साहित्य संगमद्वारा ७ जना श्रष्टालाई सम्मान
हेटौंडा । मकवनपुरको अग्रणी साहित्य संस्था साहित्य संगम मकवानपुरले शनिबार विभिन्न विद्यामा ७ जना साहित्यकारहरुलाई सम्मान एवं पुरस्कृत गरेको छ ।
संगमले १५ हजार ५ सय ५५ रुपैयाँसहित मकवानपुर साहित्य श्रीबाट साहित्यकार सुवास खनाललाई पुरस्कृत गरेको छ । यस्तै भेषनाथ अधिकारी स्मृति साहित्य पुरस्कारबाट साहित्यकार मनोज भण्डारी सम्मान भएका छन् भने सुभद्रादेवी–मदन मुडभरी स्मृति काव्य पुरस्कारबाट साहित्यकार दीपक गौतम सम्मानि भएका छन् ।
यसैगरी मंगलादेवी श्रेष्ठ स्मृति नारी पुरस्कार साहित्यकार रुकु कार्की र णकुमारी स्मृति साहित्य पुरस्कार बालजागृति इङ्लिस बोर्डिङ स्कुलका सुविज्ञा सुवेदीलाई प्रदान गरिएको छ ।
यस्तै शेषजङ्ग स्मृति कथा पुरस्कारबाट हेटौंडा स्कुल अफ म्यानेजमेन्टमा अध्ययनरत् उषाकिरण अधिकारी र मुक्ति–तारा साहित्य पुरस्कारबाट समीक्षक घनश्याम घिमिरे सम्मानि भएका छन् ।
साहित्य संगम मकवानपुरकी अध्यक्ष अनिता न्यौपानेको सभाध्यक्षता तथा साहित्यकार तुल्सी थापाको प्रमुख आतिथ्यमा सम्मान तथा पुरस्कार वितरण कार्यक्रम सम्पन्न भएको हो ।
