मकवानपुर काँग्रेसकाे अधिवेशन निर्वाचन तालिका सार्वजनिक (तालिकासहित)
हेटौंडा । नेपाली कांग्रेस मकवानपुरको १४ औं जिल्ला अधिवेशनको निर्वाचन तालिका सार्वजनिक भएकाे छ ।
जिल्ला कार्यसम्पादन समिति र कांग्रेस जिल्ला निर्वाचन समितिको शुक्रबार पार्टी कार्यालय हेटौंडामा भएको संयुक्त बैठकले निर्वाचन कार्यतालिका सार्वजनिक गरेको हो । फागुन १५ गते हेटौंडा १ चौकीटोल लोकप्रिय होटल अगाडिकाे डल्फिन चाैरबाट निर्वाचन प्रक्रिया सुरु हुने सार्वजनिक गरिएकाे तालिकामा उल्लेख गरिएकाे छ ।
निर्वाचन अधिकृत गाेपी शर्मा सुवेदीका अनुसार फागुन १५ गते विहान ९ बजेदेखि १ बजेसम्म मनोनयन दर्ता, १ बजेदेखि ४ बजेसम्म उम्मेदवारी फिर्ता, अन्तिम नामावली प्रकाशन बेलुका ६:३० र मतदान फागुन १६ गते विहान ८ बजेबाट सुरु हुने उल्लेख छ ।
