मतदाता नामावली संकलन रोकियो, कति पुगे मतदाता ?

काठमाडौ । स्थानीय तहको निर्वाचन घोषणा भएसँगै आज मंगलबारबाट निर्वाचन आयोगले मतदाता नामावली संकलन स्थगित गरेको छ ।

आयोगकाे प्रारम्भिक तथ्यांकअनुसार हालसम्म संकलित मतदाताको संख्या एक करोड ९० लाख पुगेको छ । चुनाव घोषणा भएपछि निर्वाचन आचार संहिताअनुसार मतदाता नामावाली संकलन कार्य रोक्न र हालसम्मका सबै विवरण पठाउन निर्देशन दिएको आयोगका प्रवक्ता शालिकराम शर्माले जानकारी दिए ।आयोगले मतदाता नामावली प्रकाशनको तयारी गरेको छ ।

कानुनी व्यवस्थाअनुसार निर्वाचनको मिति घोषणापछि मतदाता नामावली संकलन गर्न पाइँदैन। सोहीअनुसार आयोगले उक्त कार्य रोकेको हो। निर्वाचनको मिति घोषणा भएपछि सोमबार दिउँसो आयोगमा बैठक बसेको थियो।