आज सरस्वती पूजा
हेटौंडा । प्रत्येक वर्ष माघ शुल्क पञ्चमीको दिन गरिने सरस्वती पूजा विधिपूर्वक आज आइतबार गरिँदै छ ।
कोरोना भाइरस संक्रमणको प्रकोप भएकाले यसवर्ष सरस्वती पूजा धुमधामका साथ भने नहुने भएको छ । खासगरी शैक्षिक संस्थामा विद्यार्थीहरूले सरस्वती पूजा धुमधामका साथ मनाउने चलन रहँदै आएको छ ।
विद्याकी आराध्य देवी भएकाले यस अवसरमा विद्यार्थी, लेखक, कवि, पत्रकार, कलाकारलगायतले सरस्वतीको तस्बिर, किताब, कपी, कलम, बाध्ययन्त्रलगायत साधनको पूजा गर्ने गर्छन् । कोरोनाका कारण देशभर नै विद्यालयहरु बन्द रहेकाले यसवर्ष घरघरमै सरस्वतीको पूजा आराधना हुने भएको छ ।
यस अवसरमा देशभरका सरस्वती मन्दिरमा पूजा गर्ने भक्तजनको भीड लाग्छ गर्छ । तर यसवर्ष स्वस्थ्य मापदण्ड पालना गर्नु पर्ने अवस्था भएकाले भिडभाड हुँदैन ।
