स्थापना दिवसकाे अवसरमा प्रेस चौतारी मकवानपुरकाे अन्तरक्रिया
हेटौंडा । प्रेस चौतारी नेपालको २४ औं स्थापना दिवसका अवसरमा आज हेटौंडामा अन्तरक्रिया कार्यक्रम गरेर मनाईएको छ । प्रेस चौतारी नेपालले अन्तरक्रिया कार्यक्रम गरेर २४ औं स्थापना दिवस मनाएको हो ।
कार्यक्रमको उद्घाटन् गर्दै नेकपा एमाले मकवानपुरका अध्यक्ष एकालाल श्रेष्ठले पत्रकारहरुले स्वतन्त्र ढंगले कलम चलाउनुपर्नेमा जाेड दिनुभयाे । पत्रकारहरुले कसैको समर्थन र कसैको बिरोधमा उत्रनु भन्दा पनि ऐना जस्तै छलंङ्ग हुनेगरी समाचार समप्रेसण गर्नुपर्ने बताउनुभयो । एमालेले सरकारको नेतृत्व गर्दा मिडियामा टिक्का टिप्पणी र नकारात्मक कुरा धेरै आएपनि अहिलेको सरकारको गरेका गल्ती कमजोरीहरु पनि औल्याउन उहाँले आग्रह गर्नुभयो ।
अन्तरक्रिया कार्यक्रममा नेपाल पत्रकार महासंघका केन्द्रीय सदस्य सुनिल खड्का, प्रेस चौतारी केन्द्रीय सदस्य हरी हुँमगाई, प्रकाश दाहाल, दिपेन्द्र रोक्का, उज्वल अधिकारी, नेपाल पत्रकार महासंघ बागमती प्रदेशका महासचिब कृष्ण सारु मगर, बागमती प्रदेशका निर्वतमान अध्यक्ष प्रताप विष्ट, जिल्ला उपाध्यक्ष ध्रुब अधिकारी, प्रेस युनियन मकवानपुरका सचिव केशव समर्पणलगायतकाको आतिथ्यता रहेको थियो । प्रेस चौतारी मकवानपुरका अध्यक्ष बालकृष्ण अधिकारीको अध्यक्षतामा भएकाे कार्यक्रममा जिल्लाका विभिन्न सन्चार संस्था तथा पत्रकारका संगठनकाे प्रतिनिधिहरुकाे सहभागिता रहेकाे थियाे ।
