कांग्रेस मकवानपुरको सभापतिमा लामिछानेकाे उम्मेदवारी घोषणा
हेटौंडा । नेपाली कांग्रेस मकवानपुरको सभापति पदमा कांग्रेस नेता जयराम लामिछानेले उम्मेदवारी घोषणा गर्नु भएको छ । आफ्नो सम्पर्क कार्यालयको समेत उद्घाटन् गर्दै उहाँले उमेदवारी घोषणा गर्नु भएको हो । काग्रेश मकवानपुरको सभापतिमा तीन जनाले उमेदवारी घोषणा गरिसकेका छन् ।
काग्रेश पाटीलाई थप सुदृढ गराउका लागि आफुले उमेदवारी दिने तयारी गरेको बताउनुभयो । हेटौंडा २ कांग्रेस चोक नजिकै सम्पर्क कार्यालयसमेत स्थापना गरेर उद्घाटन् गर्नुभयो । मकवानपुरमा कांग्रेसप्रति जनविश्वास बढिरहेको पार्टीलाई मकवानपुरमा पहिलो नम्वरको बनाउन आफ्नो उम्मेदवारी रहेको बताउनुभयो ।
अहिले सभापतिका लागि मात्र उमेदवारी घोषणा गरेपनि केही दिनमा आफ्नो चुनावी प्यानल नै सार्वजनिक गर्ने तयारी भइरहेको बताउनुभयो । कार्यक्रममा कांग्रेस मकवानपुरका पूर्वसभापति रामचन्द्र अर्याल, रघुरमण न्यौपाने तथा जिल्ला सचिव आनन्द कठायत, नेतृ रिता खनाल, भिमसेन महत, इन्दिरा न्यौपानेलगायतको उपस्थिति रहेको थियो ।
यसअघि कांग्रेस हेटौंडा उपमहानगरपालिकाका निवर्तमान सभापति आनन्दराम पराजुली र जिल्ला सचिव बुद्ध लामा उम्मेदवारी घोषणा गरिसक्नु भएको छ । कांग्रेसको १४ औं महाधिवेशन अन्तरगत मकवानपुरको १०२ वटै वडा, १० स्थानीय तह, र क्षेत्रगत अधिवेशन सम्पन्न भइसकेको छ । मकवानपुरको निर्वाचनको मिति भने २ पटक घोषणा भएर स्थगित भएको छ । अब जिल्ला अधिवेशन कहिले गर्ने भन्ने बारे एकिन भइसकेको अवस्थामा लामिछानेले उम्मेदवारी घोषणा गरेका हुन् ।
