काँग्रेस केन्द्रीय कार्यसमितिको बैठक आज बस्दै
काठमाडौ । नेपाली काँग्रेसको केन्द्रीय कार्यसमितिको बैठक आज बस्दैछ । दिउँसो ३ बजेका लागि बैठक बोलाइएको काँग्रेस केन्द्रीय कार्यालयका मुख्य सचिव कृष्णप्रसाद पौडेलले जानकारी दिए ।
भर्चुअल माध्यमबाट बस्ने बैठकले केन्द्रीय कार्यसम्पादन समिति गठन गर्ने सचिव पौडेलले बताए । आजको केन्द्रीय कार्यसमिति बैठकमा स्थानीय तथा सङ्घीय चुनावका बारेमा पनि छलफल हुने र पार्टीको आधिकारिक धारणा बनाउने बारेमा पनि कुराकानी हुने नेताहरूले बताएका छन् ।
काँग्रेसको १४ औँ महाधिवेशनबाट नयाँ कार्यसमिति चयन भएपछि तेस्रो पटक केन्द्रीय समिति बैठक बस्न लागेको हो ।
