भारतमा एकैदिन कोरोना संक्रमित अत्याधिक बढे
दिल्ली । भारतमा कोरोना भाइरस संक्रमितको संख्या तीव्र गतिमा बढ्दै गएको छ । विगत (शनिबार) २४ घण्टामा भारतभर एक लाख ४१ हजार ५२५ जना नयाँ संक्रमित थपिएका छन् ।
भारतमा कोरोना संक्रमणको लहर सुरु भएयता दैनिक संक्रमित संख्या एक लाखभन्दा बढी भएको यो दोस्रो हो । शुक्रबार पनि भारतमा एक लाख १७ हजार नयाँ संक्रमित पाइएका थिए ।
ओमिक्रोनको त्रास बढेकै बेला भारतमा कोरोना संक्रमितको संख्या भारी मात्रामा बढेको हो । तर, संक्रमणदर बढे पनि कोरोना संक्रमणबाट मृत्यु हुने दर भने बढेको छैन् । शुक्रबार १२९ जनाको कोरोना संक्रमणका कारण निधन भएको भारतको केन्द्रीय स्वास्थ्य मन्त्रालयले जनाएको छ ।
