कांग्रेसले राष्ट्रियसभा सदस्यको उम्मेदवार छान्यो
काठमाडौं । नेपाली कांग्रेसको सोमबार बसेको केन्द्रीय समिति बैठकले १२ माघमा हुने राष्ट्रियसभा निर्वाचनका लागि पार्टीको तर्फबाट उमेदवारहरूको नाम टुंगो लगाएको छ।
सोमबार बसेको कांग्रेस केन्द्रीय समिति बैठकले प्रदेश १ बाट गोपाल बस्नेत, बागमती प्रदेशबाट कृष्णप्रसाद पौडेल, गण्डकीबाट कमला पन्त, लुम्बिनीबाट युवराज शर्मा, कर्णालीबाट दुर्गा गुरुङ र सुदूरपश्चिमबाट नारायण दत्त मिश्रलाई उम्मेदवार बनाउने निर्णय गरेको छ।
नेपाली कांग्रेससहित सत्ता गठबन्धनमा रहेको माओवादी, नेकपा एस, जसपा नेपाल र राष्ट्रिय जनमोर्चा राष्ट्रियसभा निर्वाचनम संयुक्त रूपमा उमेदवारहरू खडा गर्दैछन्। सत्ता गठबन्धनले यसका लागि सोमबार बिहान मात्रै भागबण्डा मिलाएको हो। भागबन्डामा नेपाली कांग्रेसले ६ ओटा सिट पाएको हो।
