सिनियर सेन्ट्रल जोन महिला भलिबलको उपाधी नेपालको कब्जामा
काठमाडौं । नेपाली महिला भलिबल टोलीले एसियन सिनियर सेन्ट्रल जोन पुरुष तथा महिला भलिबल च्यालेन्ज कपअन्तर्गत महिलातर्फको उपाधि जितेको छ ।
बंगलादेशको ढाका मंगलबार उज्वेकिस्तानलाई ३-२ को सेटमा हराउँदै नेपाल च्याम्पियन बनेको हो ।
मिरपुरस्थित शाहिद शुरवार्दी इन्डोर स्टेडियममा नेपालले पहिलो सेट २५-२४ ले जितेको थियो ।
दोस्रो सेटमा उज्वेकिस्तान २५-२४ ले विजयी भयो । तेस्रो सेट नेपालले २५-१५ ले जित्यो । चौथो सेट उज्वेकिस्तानले २५-२२ ले जित्दै खेल २-२ को अवस्थामा पुर्याए ।
त्यसपछि पाँचौँ सेट १५-१० ले आफ्नो बनाउँदै नेपालले उपाधि रक्षा गरेको हो ।
यससँगै नेपाल अपराजित रहँदै च्याम्पियन बनेको हो ।
यस्तै सेन्ट्रल जोनको महिलातर्फ नेपाल लगातार दोस्रो पटक च्याम्पियन बनेको हो ।
