२७ पुसमा कांग्रेसले १६ जिल्लाको अधिवेशन गर्ने
काठमाडौं। जिल्ला कार्यसमितिको अधिवेशन हुन बाँकी रहेका १६ वटा जिल्लाहरूमा २७ पुसमा निर्वाचन गर्ने नेपाली कांग्रेसले जनाएको छ।
नेपाली कांग्रेस केन्द्रीय निर्वाचन समितिको आज बसेको बैठकले यस्तो निर्णय लिएको हो।
प्रदेश २ का आठ जिल्लासहित सिन्धुली, मकवानपुर, सिन्धुपाल्चोक, चितवन, बाँके, कैलाली, अछाम र नवलपुर जिल्ला कार्यसमितिमा कांग्रेसको नयाँ नेतृत्व चयन हुन बाँकी छ।
क्रियाशील सदस्यताको विवादका कारण ती जिल्लामा नयाँ नेतृत्व चयन हुन सकेकाे थिएन।
