उपसभापतिमा कोइराला प्यानलको अग्रता
काठमाडौं। नेपाली कांग्रेसको १४ औँ महाधिवेशनअन्तर्गत उपसभापतिका लागि भएको निर्वाचनको जारी मतगणनामा धनराज गुरुङको अग्रता बढिरहेको छ।
३ हजार मत गणना हुँदा गुरुङ १४ सय ६० डा चन्द्र भण्डारी ११ सय ७५ र पूर्णबहादुर खड्का ८९० मतका साथ छन्। त्यस्तै अर्का विजय गच्छदारले ८२२ मत पाउँदा महेश आचार्यले भने ३५० मत पाएका छन्। दिव्या साहको भने १ सय ७५ आएको छ।
शेखर कोइराला प्यानलबाट उपसभापतिमा उम्मेदवारी दिएका उनी मतगणना स्थल सानेपास्थित पार्टी कार्यालय पुगिसकेका छन्।
यसैगरी कोइराला प्यानलबाटै उपसभापतिमा उम्मेदवारी दिएका अर्का डा चन्द्र भण्डारी दोस्रो स्थानमा देखिएका छन्। २ उपसभापति पदका लागि ७ जनाले उम्मेदवारी दिएका थिए।
