कांग्रेस महाधिवेशनको मतगणना जारी, देउवालाई पछ्याउँदै कोइराला
काठमाडौ । नेपाली कांग्रेसको नयाँ नेतृत्व चयनका लागि जारी मतगणनाअनुसार २००० मतगणना सकिएको छ । राष्टिय सभागृहमा जारी मतगणनाअनुसार शेरबहादुर देउवाले ९५८ मत पाउँदा शेखर कोइरालाले ७२६ मतका साथ पछ्याइरहेका छन् । त्यसैगरी प्रकाशमान सिंहले १७१, विमलेन्द्र निधिले ११७ र कल्याण गुरुङले ७ एक मत पाएका छन । सोमबार मतदान भएकोमा रातिदेखि राष्ट्रिय सभा गृहमा सभापति पदको मतगणना भइरहेको हो ।
नयाँ नेतृत्व चयनका लागि ४ हजार ६७९ मत खसेको छ ।
कांग्रेसको विधानअनुसार सभापति निर्वाचित हुन ५० प्रतिशतभन्दा बढी मत ल्याउनुपर्छ । खसेको मतको आधारमा पहिलो चरणमै सभापति चुनिन २३४१ मत प्राप्त गर्नुपर्नेछ ।
