मकवानपुरका माओवादी नेता बलसहितका नेताहरु एमालेमा प्रवेश
हेटौँडा । नेकपा माओवादी केन्द्र मकवानपुरका प्रभावशाली नेता एवम् जिल्ला सचिव बलराम बलसहित्का नेताहरू नेकपा एमालेमा प्रवेश गरेका छन् ।
बलसँगै माओवादी मकवानपुरका प्रतिनिधि सभा २ को प्रदेश सभा (ख) संयोजक नरेन्द्र रिजाल सहित १२ जना नेकपा एमालेमा प्रवेश गरेका छन् ।
नेकपा एमालेका केन्द्रीय अध्यक्ष केपीशर्मा ओलीसँगको भेटमा उनिहरुलाई अध्यक्ष ओलीले खादा ओढाएर एमालेमा स्वागत गरेका हुन् । मकवानपुरको कम्युनिष्ट आन्दोलनका प्रभावशाली नेताको रुपमा रहेका बल जनमोर्चा र माओवादीको एकिकरणसँगै माओवादीमा रहेका थिए । बल माओवादी केन्द्रको तर्फबाट स्थानीय तहको निर्वाचनमा हेटौँडा उपमहानगरपालिकाको उपमेयरको उम्मेद्वार समेत हुन् ।
