कांग्रेसको महाधिवेशनस्थलमा कोरोना परीक्षण र खोपको व्यवस्था हुने

काठमाडौं। कांग्रेसको १४औं महाधिवेशनमा सहभागी र महाधिवेशन प्रतिनिधिहरूको एन्टिजेन विधिबाट परीक्षण हुने भएको छ। यसैगरी महाधिवेशनस्थलमा कोरोनाविरुद्ध खोप लगाउने समेत तयारी गरिएको छ।

नेता मोहनबहादुर बस्नेतको संयोजकत्वमा गठित महाधिवेशन स्वास्थ्य समितिले यसको व्यवस्थापन गरिरहेको हो। महाधिवेशन उद्घाटन स्थलमा भृकुटीमण्डपमा कांग्रेसले ३० जनाभन्दा बढी स्वास्थ्यकर्मीसहित स्वास्थ्य डेस्क राखेको स्वास्थ्य समितिले जानकारी दिएको छ।

महाधिवेशनस्थलमा प्राथमिक उपचार सेवा दिनुका साथै आवश्यक परे वीर अस्पताल पनि लैजाले व्यवस्था मिलाइएको समितिले जनाएको छ। समितिका अनुसार सहभागीहरूको एन्टिजेन परीक्षण गनुका साथै खोप नलगाएकाहरूलाई खोप पनि लगाउने व्यवस्था गरिएको छ।