क्रियाशिल सदस्यतामा धाँधली भएको भन्दै काँग्रेस मुख्यालयमा धर्ना
क्रियाशिल सदस्यतामा धाँधली भएको भन्दै काँग्रेस मुख्यालयमा धर्ना
काठमाडाैं। नेपाली कांग्रेस बारामा क्रियाशिल सदस्यतामा धाधली भएको भन्दै बाराका कांग्रेस नेता तथा कार्यकताले पार्टी कार्यालय (मुख्यालय) सानेपामा धर्ना दिएका छन् ।
बारा जिल्लामा समायोजनाको विवाद टुङ्गीएपछि पनि वडालाइ जानकारी नगरी क्षेत्रले सिधै केन्द्रमा इन्ट्री गराएको भन्दै उनीहरुले आइतबार पार्टी कार्यालयमा धर्ना दिएका हुन् ।
पार्टीका क्षेत्रिय सभापतिहरुले आफु अनुकुलको व्यक्तिको नाममात्र केन्द्रमा पठाएको उनीहरुको आरोप छ । समायोजन अनुसार ताकिएका कुल १८ मध्ये १३ वडा सभापतिलाई क्रियाशिल सदस्यताको फारम समेत उपलब्ध नगराई सदस्यता केन्द्रमा पठाएको महाधिवेशन प्रतिनिधी राजेश रौनियारले बताए ।
धर्नामा सहभागीहरुले नेता तथा कार्यकर्ताको नियतवस रोकिएको क्रियाशिल नविकरण तत्काल सुरु गर्नुपर्ने, विधान नियमावली कार्यान्वयन गर्नुपर्ने, क्रियाशिलमा भएको धाधली छानविन गर्नुपर्ने लगाएतका माग राखेका छन् । आफुहरुको माग पुरा नभए निरन्तर धर्ना दिने उनीहरुको भनाई छ ।
