एमाले निकट जनसाँस्कृतिक महासंघकाे प्रतिभा प्रस्फुटन कार्यक्रम सम्पन्न
हेटाैँडा । नेपाल कम्युुनिष्ट पार्टी एमाले निकट राष्ट्रिय जनसाँस्कृतिक महासंघ नेपाल, मकवानपुरको आयोजनामा प्रतिभा प्रस्फुटन तथा फेसबुक लाईभ कार्यक्रम २०७८ हेटौंडामा सम्पन्न भएको छ।
कोभिडको महामारीमा यसका विरुद्ध जनमानसमा हौसला प्रदान गर्ने उद्देश्यले कार्यक्रमको आयोजना गरिएको रास्ट्रिय जनसाँस्कृतिक महासंघ मकवानपुरका अध्यक्ष राजुराम राउतले जानकारी दिए ।
कार्यक्रममा गायनमा राष्ट्रिय जनसाँस्कृतिक महासंघ मकवानपुरका ईन्चार्ज आशाकाजी श्रेष्ठ, उपाध्यक्ष पुर्ण विक्रम अधिकारी, सचिव रेश्मी कार्की, कोषाध्यक्ष रमेश गहतराज, स्थानीय गायक बाबु क्षेत्री, हिरा क्षेत्री, सुनिता बुर्लाकोटी, आशिष अस्लामी, निर्मला भ्लाेन, भुपेन्द्र राना तथा नृत्यतर्फ महासंघका सहसचिव लाल बहादुर गुरुङ, निशा पुडासैनीलगायतको प्रस्तुति रहेको थियो।
महासंघले हेटाैँडा, मनहरी तथा भिमफेदी आइसाेलेसनमा गएर समेत सांगितिक प्रस्तुत गरेकाे थियाे ।
