बागमती प्रदेशका प्रहरी कार्यालयहरुलाई सवारी साधन हस्तान्तरण
हेटौंडा। बागमती प्रदेशकाे आन्तरिक मामिला तथा कानुन मन्त्रालयले प्रदेश अन्तर्गतका १० जिल्लामा रहेका बिभिन्न प्रहरी इकाईहरुलाई सवारी साधन उपलब्ध गराएकाे छ ।
आज मन्त्रालय परिसरमा आयाेजित एक कार्यक्रमका बीच १२ थान भ्यान र १६ थान मोटरसाइकल हस्तान्तरण गरिएकाे छ ।
आन्तरिक मामिला तथा कानुन मन्त्री केशवराज पाण्डेयले बागमती प्रदेश प्रहरी कार्यालयमा प्रमुख डिआइजी बसन्त कुमार लामालाई उक्त सवारी साधनकाे साँचाे हस्तान्तरण गरेका हुन् ।
सवारी हस्तान्तरण कार्यक्रममा मन्त्रालयका सचिव मदन भुजेल, बागमती प्रदेश प्रहरी कार्यालयका एसएसपी मिरा चौधरी, मन्त्रालयका अधिकृत सुरेन्द्र कार्कीसहित प्रहरी अधिकृतहरुकाे उपस्थिति रहेको थियो।
