बिहीवार (आज) राष्ट्रपति कार्यालयले एक विज्ञप्ति जारी गर्दै अख्तियार दुरुपयोग अनुसन्धान आयोग, लोकसेवा आयोग, निर्वाचन आयोग, राष्ट्रिय दलित आयोगमा पदाधिकारी नियुक्त गरेको जानकारी दिएको छ ।
जसअनुसार लोकसेवा आयोगको अध्यक्षमा माधवप्रसाद रेग्मी नियुक्त भएका छन् । त्यसैगरी अख्तियार दुरुपयोग अनुसन्धान आयोगको आयुक्तमा डा. हरिप्रसाद पौडेल र सुमित्रा श्रेष्ठ नियुक्त भएका छन् ।
गत वैशाख २६ गते बसेको संवैधानिक परिषद्को बैठकले विभिन्न रिक्त पदाधिकारी तथा सदस्यहरुको नियुक्तीको लागि सिफारिस गरेको थियो । त्यहि अनुसार आज राष्ट्रपति कार्यालयले उक्त नामहरु अनुमोदन गरेको हो ।
