ओली भाइरस पोखरामा पनि सल्केको देखियो : बाबुराम भट्टराई
काठमाडौं । जनता समाजवादी पार्टी, नेपालका संघीय परिषद अध्यक्ष डाक्टर बाबुराम भट्टराईले ओली भाइरस पोखरामा पनि सल्केको देखिएको टिप्पणी गरेका छन् ।
गण्डकी प्रदेशका मुख्यमन्त्री पृथ्बी सुब्बा गुरुङले विश्वासको मत लिन नसकेता पनि पुन मुख्यमन्त्रीमा आफ्नो पनि दाबी प्रस्तुत गरेपछि पूर्ब प्रधानमन्त्री समेत रहेका डाक्टर भट्टराईले यस्तो टिप्पणी गरेका हुन् ।
उनले लेखेका छन्–’ओली भाइरस पोखरामा पनि सल्केको देखियो है। यो महामारीले देशको संविधान र लोकतन्त्रलाई सिध्याउने भयो। अब कोही पनि ओली भाइरसबारे कुनै भ्रममा नपरौं। सबैले सबैतिरबाट सशक्त प्रतिवाद गरौं।ओली भाइरसलाई सदाकोनिम्ति अन्त्य गरौं! संघीय लोकतान्त्रिक गणतन्त्रको रक्षा गरौं!
