गणतन्त्रका विरोधीहरुबाट गणतन्त्रका मूल्य–मान्यतामाथि निरन्तर प्रहार : प्रचण्ड
काठमाडौं। नेकपा माओवादी केन्द्रका अध्यक्ष पुष्पकमल दाहाल प्रचण्डले गणतन्त्रका विरोधीहरुबाट गणतन्त्रका मूल्य–मान्यतामाथि निरन्तर प्रहार भइरहेको बताएका छन्।
शनिबार गणतन्त्र दिवसको अवसरमा शुभकामना सन्देश जारी गर्दै अध्यक्ष प्रचण्डले यस्तो बताएका हुन्।
नेपाली जनताको बलिदानीपूर्ण संघर्र्षबाट प्राप्त उपलब्धीहरुको रक्षा गर्दै गणतन्त्रात्मक संस्कार र संस्कृति निर्माण गर्न प्रतिगामी तत्व विरोधी सम्पूर्ण लोकतन्त्रवादी शक्तिहरुबीच सुदृढ राष्ट्रिय एकता अपरिहार्य भएको शुभकामना सन्देशमा उल्लेख गरिएको छ।
