हेटौंडामा नमुना खेलमैदान सहितकाे रंगशाला निर्माण सुरु
हेटौंडा । हेटौंडा उपमहानगरपालिका ५ क्याम्पाडाँडामा रहेको क्याम्पाडाँडा चाैरमा रंगशाला निर्माण अभियान सुरु भएको छ ।
रंगशालाको उपमहानगरपालिकाका मेयर हरि बहादुर महतले शिलान्यास गरेका छन् ।
पिप्ले युवा क्लवको अगुवाईमा हेटौंडा उपमहानगरपालिकाको सहयोगमा रंगशाला निर्माण सुरु भएको हो । रंगशाला निर्माणका लागि उपमहानगरपालिकाले सक्दो सहयोग गर्ने मेयर महतले वताउनुभयो ।
प्रदेश राजधानी हेटौंडामा यो रंगशाला निर्माण हुन लागेकाले यहाँ नमुना खेल मैदान निर्माण गरिने वताउनुभयो । दुइ करोड रुपैयाँ भन्दा धेरै लगानीमा रंगशाला निर्माण गर्न लागिएको हो । यही चौरमा अरु खेलकुद पनि गर्न सकिनेगरी काम अगाडी बढेको छ । हेटौंडाकै नमुना खेलमैदान निर्माणका लागि उपमहानगरले रकम सहयोग गर्ने वताउनुभयो ।
पिप्ले युवा क्लवको अगुवाईमा क्याम्पाडाँडाको खेल मैदानलाई व्यवस्थित गर्दै रंगशाला निर्माण अभियान थालनी गरिएको हो ।
प्रदेशको राजधानी हेटौंडामा व्यवस्थित खेल मैदान जरुरी रहेको धारणा राख्दै उहाँले पिप्ले युवा क्लव र अध्यक्ष सुशील घिमिरेको अगुवाईमा भैरहेको कामको प्रशंसा समेत गर्नुभयो । कार्यक्रममा वडा अध्यक्ष राजेश बानियाँ, क्लबका अध्यक्ष घिमीरे लगाएतकाको सहभागिता रहेको थियो ।
