जसपाद्वारा जाेरपाटीमा राष्ट्रपति-प्रधानमन्त्रीको पुत्ला दहन
काठमाडौं । जनता समाजवादी पार्टीले प्रधानमन्त्री केपी ओली र राष्ट्रपति विद्या भण्डारीको पुत्ला दहन गरेको छ । काठमाडौंको जोरपाटीमा पार्टीले सामाजिक दूरी कायम गर्दै राष्ट्रपति-प्रधानमन्त्रीको असंवैधानिक कदमविरुद्ध नाराबाजीसहित पुत्ला दहन गरेको युवा नेतृ मञ्जु तामाङले जानकारी दिइन् ।
‘हामी केही साथीको उपस्थितिमा सामाजिक दूरी कायम गर्दै जुलुससहित संसद विघटनविरुद्ध पुत्ला दहन गरेका छौं,’ नेतृ तामाङले भनिन् । पुत्ला दहनअघि सरकारविरुद्ध नाराबाजी समेत गरिएको थियो ।
