प्रचण्ड पनि देउवा निवास बुढानीलकण्ठ पुगे
काठमाडौँ । माओवादी केन्द्रका अध्यक्ष पुष्पकमल दाहाल प्रचण्ड कांग्रेस सभापति शेरबहादुर देउवालाई भेट्न बूढानीलकण्ठ पुगेका छन् ।
प्रधानमन्त्री केपी शर्मा ओली र नेता माधव नेपालबीच वार्ता चलिरहँदा बूढानीलकण्ठमा दाहालले देउवासँग वार्ता सुरू गरेका हुन् ।
नयाँ सरकार गठनका लागि राष्ट्रपतिले दिएको समय सीमा सकिनै लाग्दा उनीहरुबीच यसबारे छलफल हुने बताइएको छ ।
यसअघि बूढानीलकण्ठमा देउवाले जसपा अध्यक्ष महन्थ ठाकुर र राजेन्द्र महतोसँग पनि भेट गरेका थिए ।
जसपाको महन्थ ठाकुर पक्षले सहयोग नगरेपछि बहुमत जुटाउन नसकिरहेका काँग्रेस सभापति शेरबहादुर देउवाले माधव नेपालको निर्णय कुरिरहेका छन् ।
