नवनियुक्त गृहमन्त्री थापाले लिए गृहमन्त्री पदको सपथ
काठमाडौं । नवनियुक्त गृहमन्त्री रामबहादुर थापाले मन्त्री पदको सपथ लिएका छन् । राष्ट्रपति कार्यालयका प्रवक्ता रुपनारायण भट्टराईका अनुसार राष्ट्रपति विद्यादेवी भण्डारीबाट आइतबार मन्त्री बादलले सपथ लिएका हुन् । उनले संविधानको धारा ८० बमोजिम मन्त्री पदको सपथ लिएका हुन् ।
यसअघि ओली नेतृत्वको मन्त्रिपरिषदमा गृह मन्त्रालयको नेतृत्व गरिरहेका थापाको आइतबार राष्ट्रियसभा सदस्य पद गुमेसँगै उनी मन्त्री पदबाट स्वतः पदमुक्त भएका थिए ।
पदमुक्त भएका उनलाई राष्ट्रपति भण्डारीले आइतबार नै मन्त्री पदमा पुनः नियुक्ति गरी गृह मन्त्रालयको जिम्मेवारी सुम्पेकी थिइन् ।
