पत्रकार महासंघ मकवानपुरकाे पदस्थापना सम्पन्न
हेटाैँडा । नेपाल पत्रकार महासंघ मकवानपुरको नवनिर्वाचित जिल्ला कार्य समितिका पदाधिकारीहरुले शपथ तथा पदस्थापना कार्यक्रम सम्पन्न भएकाे छ ।
आज एक कार्यक्रमबीच जिल्ला निर्वाचन अधिकृत धु्रबप्रसाद चौलागाईले नवनिर्वाचित पदाधिकारीहरुलाई शपथ ग्रहण गराएका हुन् ।
यसैगरी, महासंघको जिल्ला कार्यसमितिका अध्यक्ष मणिराज गौतम, उपाध्यक्ष ध्रुबप्रसाद अधिकारी, सचिव शुभलक्ष्मी विश्वकर्मा, समावेशी सह–सचिव मन्दिरा बानियाँ (मानबी), सहसचिव यमप्रसाद पौडेल (एमपी शर्मा) र कोषाध्यक्ष केशव सुबेदी समर्पणले आजै बर बुझारथ सहित पदभार समेत ग्रहण गरेका छन् ।
नवनिर्वाचित अध्यक्ष मणिराज गाैतमले आफ्नो पदीय मर्यादा र आचरणलाई अनुशरण गरी जनतालाई सत्यतथ्य समाचार प्रवाह गर्नुपर्नेमा जिम्मेवारी भएर लाग्ने र सबै मिलेर श्रमजिविकाे पक्षमा काम गर्ने प्रतिवद्धता समेत व्यकत गरे ।
सपथ ग्रहण समाराेहमा महासंघ मकवानपुरका निवर्तमान अध्यक्ष हरिहुमागाई, अध्यक्ष पदको उम्मेदवार प्रत्यासी बालकृष्ण अधिकारी, ध्रुबप्रसाद चौलागाई लगायतले पत्रकारीताको विकासलाई सबै पत्रकारहरुले एकैसाथ जिम्मेवार हुनुपर्नेमा जाेड दिएका थिए ।
