नयाँ सरकार गठनबारे जसपाका शिर्ष नेताहरुबीच छलफल
काठमाडौं । जनता समाजवादी पार्टी (जसपा) का नेताहरुबीच नयाँ सरकार गठनबारे छलफल सुरु भएको छ । नेपाली कांग्रेसले आफ्नो नेतृत्वमा सरकार गठन गर्न राखेको प्रस्तावमागि जसपाका नेताहरुले छलफल सुरु गरेका हुन् ।
आइतबार जसपाका संघीय परिषद अध्यक्ष डाक्टर बाबुराम भट्टराई, अध्यक्षद्वय महन्थ ठाकुर र उपेन्द्र यादव, वरिष्ठ नेताहरु राजेन्द्र महतो, अशोक राई र राजेन्द्र श्रेष्ठबीच नयाँ सरकार गठनबारे छलफल भएको हो ।
गत हप्ता नेपाली कांग्रेसका सभापति शेरबहादुर देउवाले आफ्नो नेतृत्वमा सरकार निर्माणका लागि सहयोग मागेका थिए । त्यसलगत्तै सभापति देउवाको प्रस्तावमा माओवादी केन्द्रका नेताहरुले समर्थन जनाएपनि जसपाका नेताहरुले भने समर्थन गरेका थिएनन् ।
