राप्रपा मकवानपुरकाे अध्यक्षमा गुरु सापकाेटा
हेटौंडा । राष्ट्रिय प्रजातन्त्र पार्टी मकवानपुरको अध्यक्षमा गुरुप्रसाद सापकोटा चयन हुनुभएको छ । हेटौंडामा भएको राप्रपा मकवानपुर जिल्ला परिषद्बाट सापकोटाको अध्यक्षतामा २५ सदस्यीय जिल्ला समिति सर्वसम्मत चयन भएकाे हाे ।
यसअघि सापकोटा हेटौंडा उपमहानगर अध्यक्ष हुनुहुन्थ्यो । शुक्रबार राप्रपा अध्यक्ष कमल थापाको उपस्थितिमा राप्रपा मकवानपुरको जिल्ला परिषद् सम्पन्न भएको हो ।
राप्रपा जिल्ला समितिको सदस्यमा अर्जुनप्रसाद गौतम, मीठाराम खड्का, अम्बिका खतिवडा, सीता दाहाल, सुन्दर कुँवर, सरस्वती थिङ लगायत चयन भएका छन् ।
जिल्ला समितिमा निर्वाचित सदस्यको २५ प्रतिशतसम्म मनोनित गरिने नवनिर्वाचित अध्यक्ष सापकोटाले बताउनुभएको छ । पार्टीको जिल्ला समितिको पदाधिकारीहरु पछि चयन गरिने पनि सापकोटाले बताउनुभएको छ ।
