कम्युनिष्ट पार्टीकाे विग्रह फुटेको हाँडी जस्तै जोडिन्न : बाबुराम भट्टराई
काठमाडौं । जनता समाजवादी पार्टीका संघीय परिषद् अध्यक्ष तथा पूर्वप्रधानमन्त्री डा.बाबुराम भट्टराईले कम्युनिष्ट पार्टीको विग्रहलाई फुटेको हाँडीसँग तुलना गरेका छन् । नेकपाभित्र पछिल्लो समय देखिएको विग्रह र झगडालाई चित्रित गर्दै शुक्रबार बिहान उनले सामाजिक सञ्जालमार्फत् यस्तो टिप्पणी गरेका हुन् ।
‘पुरानोको ध्वंस विना नयाँ निर्माण हुन्न-मार्क्सेली दर्शनले भन्छ!नेकपाको अन्तरध्वंस नयाँ समाजवादी शक्ति निर्माणको नयाँ आधार बन्नसक्छ,’ उनले भनेका छन् । नेकपाको अन्तरध्वंसलाई उनले समाजवादी शक्ति बनाउने अवसरको रुपमा रुपान्तरण गर्नुपर्ने संकेत गरेका हुन् ।
नेकपा विग्रहको समाधान पस्कँदै उनले भनेका छन्, ‘अत: फुटेका हाँडीका टुक्राहरूको डम्फु बजाउनु वा तिनलाई टेपले टाँसेर पुरानै हाँडी बनाउने मिथ्या कोशिश गर्नुसट्टा नयाँ समाजवादी ध्रुवीकरणतिर लाग्ने हो कि ?’
पुरानोको ध्वंस विना नयॅा निर्माण हुन्न-मार्क्सेली दर्शनले भन्छ!नेकपाको अन्तरध्वंस नयॅा समाजवादी शक्ति निर्माणको नयॅा आधार बन्नसक्छ।अत:फुटेका हॅाडीका टुक्राहरूको डम्फु बजाउनु वा तिनलाई टेपले टॅासेर पुरानै हॅाडी बनाउने मिथ्या कोशिश गर्नुसट्टा नयॅा समाजवादी ध्रुवीकरणतिर लाग्ने होकि?
— Baburam Bhattarai (@brb1954) March 19, 2021
