आज जसपा पदाधिकारी बैठक बस्दै
काठमाडौं । जनता समाजवादी पार्टी जसपाको पदाधिकारी बैठक बस्दैछ । बबरमहलमा रहेको पार्टी कार्यलयमा दिउँसो २ बजे बैठक बस्न लागिएको जसपाका नेताहरुले बताएका छन् ।
पदाधिकारी बैठकमा सत्ता समीकरणको विषयमासमेत छलफल हुने अनुमान छ । नयाँ सत्ता समीकरणमा जसपा निर्णायक भूमिकामा छ । बैठकमा पार्टीको संगठनात्मक संरचनाको खाका तयार पार्नेलगायतका विषयमा छलफल गर्न लागिएको हो ।
बिहीबार बस्ने कार्यकारिणी परिषदको बैठकमा संगठनात्मक खाका प्रस्तुत गर्ने जसपाको तयारी छ ।
