शहीद स्मृति गाेल्डकप : सेमिफाइनल यात्राकाे लागि आज डुबल क्यामरुन र बाग्मती भिड्ने
हेटाैँडा । हेटौँडामा जारी स्थानीय तह शहीद स्मृति गोल्डकप अन्तराष्ट्रिय फुटबल प्रतियोगिताकाे सेमिफाइनलकाे समिकरण पुरा गर्न आज अन्तराष्ट्रिय क्लब अफ्रिकन रुट्स एसोसिएसन (अरास) डुवल क्यामरुन र बागमती युवा क्लब सर्लाहीबीच भिडन्त हुनेछ ।
खेलको विजेता सेमिफाइनलमा प्रवेश गरेसँगै प्रतियाेगिताकाे सेमिफाइनलकाे समिकरण पूरा हुनेछ ।
बागमती युवा क्लबले सशस्त्र प्रहरी बलकाे एपीएफलाई हराउदैं क्वाटरफाइनलमा प्रवेश गरेको थियो ।
प्रतियोगितामा सेमिफाइनलका लागि यस अघिनै मच्छिन्द्र क्लब, मकवानपुर–११ र नेपाल आर्मी प्रवेश गरिसकेका छन् ।
प्रतियोगितामा भोलिबाट सेमिफाइनलका खेलहरु सुरु हुनेछ ।
प्रतियाेगिताकाे फाइनल खेल चैत्र ७ गते शनिबार हुने खेल तालिकामा तय गरिएकाे छ ।
