शहीद स्मृति गोल्डकपमा आज एपीएफ र बागमती युवा क्लब भिड्ने
हेटौंडा । हेटौंडामा जारी स्थानीय तह शहीद स्मृति गोल्डकप प्रतियोगितामा आज आइतबार सशस्त्र प्रहरी बलकाे नेपाल एपीएफ र बागमती युवा क्लब सर्लाही भिड्दै छन्।
आजको खेलमा जित हातपार्ने टोली प्रतियोगिताको क्वाटरफाइनलमा प्रवेश गर्नेछ । सेमिफाइन प्रवेशको लागि विजेता टोलीले अफ्रिकन रुट्स एशोसिएसन (अरास) डुवल क्यामरुनसंग भिड्नेछ ।
खेल हेटौंडाको वनविज्ञान अध्ययन संस्थानको खेलमैदानमा दिउँसो दुई बजेबाट सुरु हुने आयोजक जिल्ला फुटबल संघ मकवानपुरले जनाएको छ ।
जिल्ला फुटबल संघ मकवानपुरको आयोजना भएको प्रतियोगितामा ए–डिभिजनका क्लबहरु सहित १० वटा टोलीको सहभागिता रहेको छ ।
