जसपा आफैं देशको नेतृत्व गर्ने शक्ति होः बाबुराम भट्टराई
काठमाडौं । जनता समाजवादी पार्टी (जसपा)का संघीय परिषद् अध्यक्ष डा. बाबुराम भट्टराईले जसपाले संघीयता, धर्मनिरपेक्षता र समावेशी लोकतन्त्रविरूद्ध कसैसँग सम्झौता नगर्ने प्रष्ट पारेका छन् ।
गएराति सामाजिक सञ्जाल ट्वीटरमा ट्वीट गर्दै उनले जसपा परम्परागत राजनीतिको अग्रगामी विकल्प भएको बताएका हुन् । जसपा कसैको पुच्छर नभएको भन्दै उनले आफैँ देशको नेतृत्व गर्ने शक्ति भएको उल्लेख गरेका छन् ।
देशमा सरकार परिवर्तनको आन्तरिक गृहकार्यमा दलहरु जुटेका छन् । जसपाका शीर्ष नेताहरुले अरु दलका नेताहरुसँग नयाँ सत्ता समीकरणका विषयमा छलफल गरिरहेका छन् ।
