पूर्वप्रधानमन्त्री भट्टराईको आज दिल्लीमा स्वास्थ्य परीक्षण हुने
हेटाैँडा । जनता समाजवादी पार्टीका संघीय परिषद अध्यक्ष तथा पूर्वप्रधानमन्त्री बाबुराम भट्टराईको भारतको नयाँ दिल्लीस्थित ‘इन्स्टिच्युट अफ लिभर एण्ड बिलिअरी साइन्सेस’मा स्वास्थ्य परीक्षण हुँदैछ ।
आज दिउँसो १:३० बजे उहाँको स्वास्थ्य परीक्षण डा. प्रोफेसर विक्रम भाटियाद्वारा हुने भट्टराईका प्रेस सल्लाहकार विश्वदीप पाण्डेले जानकारी दिए ।
स्वास्थ्य परीक्षण र चिकित्सकसँगको परामर्शपश्चात मात्रै रोगको निर्क्यौल हुनुका साथै उपचारका बारे के कसो गर्ने भन्ने टुंगो लाग्नेछ ।
यस अघि भट्टराई उपचारकाे लागि दिल्ली जान परेकाेमा लज्जित भएकाे बताइसकेका छन् ।
