बिभिन्न पार्टी परित्याग गरी २ सय भन्दा बढि कांग्रेसमा प्रवेश
हेटौंडा । ७१ औँ राष्ट्रिय प्रजातन्त्र दिवसको अवसरमा मकवानपुरमा विभिन्न पार्टी परित्याग गरेर नेपाली काँग्रेसमा प्रवेश गरेका छन् ।
कांग्रेसकाे हेटौंडा उपमहानगर ११ नम्बर वडा समितिले शहीद स्मारकमा गरेको कार्यकर्ता भेटघाटमा नेकपा र राप्रपा पार्टी परित्याग गरी २ सय २५ जना कांग्रेसमा प्रवेश गरेका बताइएकाे छ ।
कांग्रेस ११ नम्बर वडा सभापति विष्णु खनालको सभाध्यक्षता एवं कांग्रेस बागमती प्रदेश संसदीय दलका नेता, मकवानपुर पार्टी सभापति ईन्द्रबहादुर बानियाँको प्रमूख आतिथ्यतामा भएको कार्यक्रममा जनक लामिछाने, राजकुमार कप्रौलालगायत २ सय २५ जना कांग्रेसमा प्रवेश गरेका हुन् ।नवप्रवेशीलाई नेता बानियाँले सदस्यता दिई खाँदा लगाएर पार्टीमा स्वागत गर्नुभएको थियो ।
कार्यक्रममा कांग्रेसको सूचना तथा प्रचार विभागका केन्द्रीय सदस्य एवं कलाकार निर शाह, प्रतिनिधिसभा २ का संघीय सभापति यतिराज सापकोटा, हेटौंडा उपमहानगरपालिका सभापति आनन्दराम पराजुली, तरुण दल नगर अध्यक्ष सुनिल गिरी, ११ नम्बर वडा सदस्य अर्जुन शर्मा कंडेल, उत्सव ईटेनीलगायतले मन्तव्य व्यक्त गर्नुभएको थियो ।
