बन्दकाे बागमती प्रदेशकाे राजधानी हेटौंडामा पनि प्रभाव
हेटौंडा । प्रधानमन्त्री केपि शर्मा ओलीको संसद विघटन विरोधमा भएको नेपाल बन्दले देशैभर प्रभाव पारिरहेकाे समयमा उक्त बन्दको प्रभाव बागमती प्रदेशकाे राजधानी हेटौंडामा पनि परेको छ ।
बन्दका कारण जिल्लाका उद्योग, कलकारखाना, शैक्षिक संस्था, बजार तथा सार्वजनिक सवारी साधन बन्द रहेका छन् । केही केही प्राइभेट सवारी साधन चलेकाे छ भने अत्यावश्यक सवारी साधनलाई प्रदर्शनकारीले हेरेर छाेडिदिने गरेका छन् ।
हेटाैँडाकाे मुख्य चाेकहरुमा प्रदर्शनकारीहरू जम्मा भएर केही नारावाजी समेत गरिरहेका थिए ।
सुरक्षाकर्मीहरु बाग्लाे रुपमा तैनाथ गरिएकाे देखिन्छ ।
आज हुने लाेकसेवा आयाेगकाे परीक्षा भने सन्चालन हुने बागमती प्रदेश लाेकसेवा आयाेगका अध्यक्ष सुरेशमान श्रेष्ठले निरन्तर न्युजलाई जानकारी दिए ।
