प्रधानमन्त्री केपी ओली आज चितवन जाँदै
काठमाडौँ । प्रधानमन्त्री केपी शर्मा ओली आज चितवन जाँदै छन् । नेपाल कम्युनिस्ट पार्टी (नेकपा) ओली समूहले चितवनमा आयोजना गरेको सभालाई सम्बोधन गर्न ओली चितवन जान लागेका हुन् ।
दिउँसो साढे १२ बजे केन्द्रीय बस टर्मिनल भरतपुरमा आयोजना हुने सभालाई प्रधानमन्त्री ओली, उपप्रधानमन्त्री ईश्वर पोखरेल, गृहमन्त्री रामबहादुर थापालगायतका नेताहरुले सम्बोधन गर्ने जनाइएको छ । सभालाई सम्बोधन गर्नुअघि ओलीले भरतपुरमा बन्न लागेको सिटी हलको शीलान्यास गरी पुल्चोक–गोन्द्राङ ६ लेन सडक विस्तारको शुभारम्भ गर्ने छन् ।
कार्यक्रमका लागि भौतिक पूर्वाधार तथा यातायात मन्त्रालयका सचिव र महानिर्देशक शुक्रबार नै चितवन पुगिसकेका छन् ।
