आज नेकपा प्रचण्ड-माधव समुहले बिराटनगरमा प्रदर्शन गर्ने
विराटनगर । नेपाल कम्युनिष्ट पार्टी नेकपाको दाहाल–नेपाल समूहले आज शुक्रवार विराटनगरमा आमसभाको आयोजना गर्दैछ । सभालाई पार्टीका अध्यक्षद्वय पुष्पकमल दाहाल प्रचण्ड र माधवकुमार नेपाल तथा झलनाथ खनाल लगायतका नेताले सम्बोधन गर्ने जनाइएको छ ।
कार्यक्रममा सहभागी हुने नेपाल र खनाल बिहीवार बेलुकी नै विराटनगर आइसकेका छन् भने दाहाल केही बेरमा काठमाडौँबाट प्रस्थान गर्ने जनाइएको छ । आजको सभामा ६० हजार बढि कार्यकर्ता उतार्ने दाहाल-नेपाल समूहको दाबी छ ।
