हेटौंडा उपमहानगर वडा १३ भित्रका १ सय १ जनाले कांग्रेसमा प्रवेश गरे
हेटौंडा । हेटौंडा उपमहानगरपालिका वडा नम्बर १३ पदमपोखरीमा नेकपा र राप्रपा पार्टी परित्याग गरी १ सय १ जना नेपाली कांग्रेसमा प्रवेश गरेकाे बताइएकाे छ ।
नेपाली कांग्रेस हेटौंडा १३ का वडा सभापति चम्फुरत्न लामाको अध्यक्षता एवम् नगर सभापति आनन्दराम पराजुलीको प्रमुख आतिथ्यतामा शनिबार भएको कार्यकर्ता भेटघाट तथा पार्टी प्रवेश कार्यक्रममा नेकपा तथा राप्रपाका १ सय १ जना नेपाली कांग्रेसमा प्रवेश गरेका हुन् ।
नवप्रवेशीहरुलाई कांग्रेसमा स्वागत गर्दै प्रमुख अतिथि पराजुलीले योग्यता, क्षमता र लगनशिलताको आधारमा पार्टीमा आवश्यक जिम्मेवारी दिने बताउँदै कांग्रेसमा लागेर कसैले पनि पछुताउन नपर्ने बताए ।
कार्यक्रममा तरुण दल नगर सभापति सुनिल गिरीसहित कांग्रेसका स्थानीय नेता तथा कार्यकर्ताहरुले मन्तव्य व्यक्त गरेका थिए ।
