बागमती प्रदेशसभाको बैठक आज बस्दै
हेटौंडा । बागमती प्रदेशसभाको बैठक शुक्रबार दिउँसो बस्ने भएको छ । बैठक शुक्रबार दिउँसो १ बजे बस्ने भएको हो ।
विहिबार दिउँसो प्रदेशसभा बैठक संचालन गर्ने विषयमा सहमति नजुटेपछि कार्यव्यवस्था परामर्श समितिको बैठक सकिएको थियो ।
बैठकमा संसदमा सहभागी सबै दलले शुक्रबार बैठक बोलाउन सहमति जनाएपछि सभामुख सानुकुमार श्रेष्ठले थप छलफल गर्नुपर्ने भन्दै निष्कर्ष दिन सकेका थिएनन् । चौतर्फी दवावपछि विहिबार बेलुका बैठक बस्ने सूचना सांसदहरुलाई गराईएको छ ।
शुक्रबारको बैठकमा मूख्यमन्त्री डोरमणि पौडेलविरुद्ध संसद सचिवालयमा दर्ता भएको अविश्वासको प्रस्ताव संसदमा टेबुल हुनेछ । त्यसपछि छलफलका लागि भन्दै केही दिन संसद स्थगित हुने सम्भावना रहेको एक सांसदले जनाए ।
