प्रचण्ड-माधवले नै ओलीजस्तो भस्मासुरलाई हुर्काएका हुन्ः बाबुराम भट्टराई
गोरखा । जनता समाजवादी पार्टीका संघीय परिषद अध्यक्ष डा. बाबुराम भट्टराईले केपी ओलीजस्तो भस्मासुरलाई प्रचण्ड-माधव नेपालले हुर्काएको आरोप लगाएका छन् ।
शुक्रबार गृहजिल्ला गोरखा पुगेका भट्टराईले सञ्चारकर्मीसँग कुराकानी गर्दै पूर्वप्रधानमन्त्री समेत रहेका भट्टराईले प्रचण्ड र माधव प्रधानमन्त्री पदका लागि यसैकारण लायक नरहेको तर्क गरे ।
उनले अब नेपाली कांग्रेसका सभापति शेरबहादुर देउवा प्रधानमन्त्री हुने दाबी गरे । उनले दाहाल-नेपाल दुवै रिङआउट भइसकेकोले सत्ता कांग्रेसको हातमा जाने बताएका हुन् ।
उनले नेकपा फुटेपछिको अवस्थामा जसपा चौथो पार्टी भएकोले प्रधानमन्त्रीमा दावी नगर्ने तर्क गरे ।
अदालतले संसद पुनस्थापना गर्ने र ओली आफूले गरेको अपराधका लागि दोषी हुने जिकिर गरे ।
