मकवानपुरका बामपन्थी युवा नेता तथा क्रियाशिल पत्रकार सहित ६९ जना जसपामा प्रवेश
हेटाैँडा । विगग लामाे समयदेखि बामपन्थी आन्दाेलनमा नेतृत्व गरेका नेता कार्यकर्ता तथा नेकपा (बिप्लब) समूहसँग सम्वन्ध विच्छेद गरेर बसेकाहरुजनता समाजवादी पार्टी नेपाल पार्टी प्रवेश गरेका छन् ।
हेटाैँडामा आयाेजित एक कार्यक्रममा नेताहरु साेम घलान, टुंगनाथ तिमल्सिना, सन्दीप ढुंगाना तथा क्रियाशिल पत्रकार राज सापकाेटा तथा स्वतन्त्र हिमाल घिमिरेकाे अगुवाइमा ६९ जना जनता समाजवादी पार्टी प्रवेश गरेका हुन् ।
जसपाका केन्द्रिय नेताहरु साेनाम सिङ स्याङतान, राजु नेपाल, राजेन्द्र सिम्खडा जीवनमान माेक्तानलगायतका नेताहरुले वहाँहरुलाई पार्टी प्रवेश गराएका हुन् ।
नव प्रवेशीहरुलाई तहगतरुपमा उचित जिम्मेवारी दिइने नेता सिम्खडाले जानकारी दिए ।
परम्परागत र पुरानाे राजनीतिक पार्टीभन्दा अग्रगामी र बैकल्पिक पार्टी भएकाे भन्दै जसपामा प्रवेश गरेकाे नवप्रवेशी नेताहरुकाे भनाई रहेकाे छ ।
