विवाद नमिलेपछि कांग्रेस बैठक सऱ्यो
काठमाण्डाैँ । पदाधिकारी र पूर्वपदाधिकारी बैठकमा विवाद नमिलेपछि प्रतिपक्षी दल कांग्रेसको केन्द्रीय कार्यसमिति बैठक तीन दिन पर धकेलिएको छ ।पार्टी कार्यालय सानेपामा शुक्रबार दिउँसो १ बजे बस्ने तय भएको बैठक सोमबार दिउँसो १ बजेसम्मका लागि सारिएको कांग्रेस मुख्यसचिव कृष्णप्रसाद पौडेल जानकारी दिए ।
बैठकमा केन्द्रीय कार्यसमितिका पदाधिकारी, केन्द्रीय सदस्य तथा आमन्त्रित केन्द्रीय सदस्यको उपस्थितिका लागि निर्देशानुसार अनुरोध गरिएको उनले बताएका छन् ।
सभापति शेरबहादुर देउवाको निवास बुढानीलकण्ठमा विवाद समाधानका लागि बिहीबार बसेको बैठक निष्कर्षविहीन भएपछि शुक्रबारको केन्द्रीय समिति बैठक स्थगित भएको हो । बैठकमा पौडेल पक्षले आफूहरूले दर्ता गराएको माग पहिला सम्बोधन हुनुपर्ने अडान लिएको थियो । नयाँपत्रिकाबाट साभार
