स्थायी कमिटी बैठकमा ९ सदस्यले धारणा राखे , माधव नेपाल यसरी कड्किए
काठमाडौं । सत्तारुढ नेपाल कम्युनिस्ट पार्टी (नेकपा) को जारी स्थायी कमिटी बैठकमा ९ जना सदस्यले आफ्नो धारणा व्यक्त गरेका छन् ।
बैठकमा सहभागी एक सदस्यका अनुसार प्रधानमन्त्रीको सरकारी निवास बालुवाटारमा जारी उक्त बैठकमा वरिष्ठ नेता माधव कुमार नेपाल, नेताहरु देव गुरुङ, घनश्याम भुसाल, मात्रिका यादव, अष्टलक्ष्मी शाक्य, रघुजीपन्त लगायतले आ-आफ्नो धारणा राखिसकेका छन् ।
बैठकमा नेता नेपालले पार्टी विधि र पद्धतिमा चल्नु पर्नेमा जोड दिँदै अध्यक्षद्वय केपी शर्मा ओली र प्रचण्डले ल्याएको १५ बुँदे प्रस्तावप्रति चर्कोै असन्तुष्टि जनाएको एक स्थायी समिति सदस्यले जानकारी दिए ।
नेपालले अध्यक्षद्वयको प्रस्तावमा एक व्यक्ति एक पदको व्यवस्था नभएको प्रति चर्को असन्तुष्टि जनाएका थिए । व्यक्ति एक मुख्य जिम्मेवारी लगायतका विषय प्रस्तावमा किन समेटिएन रु विधि बिना पार्टी कसरी चल्छ रु’ भन्दै नेपाल बैठकमा कड्किएका थिए ।श्रोत साझापोस्ट
