भारतको उत्तर प्रदेशमा कोरोना संक्रमणबाट मन्त्रीको मृत्यु
नयाँदिल्ली। भारतको उत्तरप्रदेशमा एक जना मन्त्रीको कोरोना भाइरस संक्रमणबाट मृत्यु भएको छ।
दुई साताअघि संक्रमण देखिएको मन्त्री कमला रानी वरुणको मृत्यु भएको बीबीसीले जनाएको छ।
कोरोना भाइरस संक्रमण भएपछि उनलाई लखनउस्थित एसजीपीजीआईमा भर्ना गरिएको थियो।
उपचारका क्रममा उनको आइतबार बिहान निधन भएको हो।
मुख्यमन्त्री योगी आदित्यनाथले मन्त्री कमला रानीको निधनमा गहिरो दुःख व्यक्त गरेका छन्। उनले आइतबार अयोध्या जाने कार्यक्रम स्थगित गरेका छन्।
कमला रानी उत्तर प्रदेश सरकारमा शिक्षामन्त्री थिइन्।श्रोत नेपालसमय
