आइपिएल क्रिकेट आउँदाे सेप्टेम्बरमा हुने
काठमाडौं । विश्वकै प्रतिष्ठित फ्रेन्चाइज क्रिकेट लिग, इन्डियन प्रिमियर लिग (आइपिएल) क्रिकेट आगामी सेप्टेम्बरमा हुने भएको छ । शुक्रबार एक कार्यक्रमका बीच आइपिएल गर्भनिङ काउन्सिलका अध्यक्ष ब्रिजेश पटेलले प्रतियोगिता सेप्टेम्बर १९ मा सुरु हुने जानकारी गराएका हुन् ।
यूएईमा खेलाइने उक्त प्रतियोगिताको फाइनल खेल नोभेम्बर ८ मा हुनेछ ।
कोरोना महामारीका कारण अनिश्चित बनेको टी-२० विश्वकप र एसिया कप अर्को वर्षलाइ सारिएपछि आइपिएल क्रिकेट सञ्चालन गर्ने बाटो खुलेको थियो ।
प्रतियोगिताको खेलतालिका तथा सहभागी फ्रेन्चाइजका खेलाडीहरुलाई युएई लैजाने व्यवस्थाबारे भने अर्को साता हुने बैठकमा छलफल गरिने छ ।
