नेकपा स्थायी कमिटी बैठक साउन ६ गतेसम्मलाई स्थगित
काठमाडौँ । नेपाल कम्युनिस्ट पार्टी (नेकपा)को स्थायी कमिटी बैठक सातौँ पटक बस्दै नबसी स्थगित भएको छ । आइतबार दिउँसो ३ बजे प्रधानमन्त्री निवास बालुवाटारमा बस्नेगरी बोलाइएको बैठक विज्ञप्ति निकालेर स्थगित गरिएको छ ।
पार्टीका कार्यालयका सचिवद्धय इश्वरी रिजाल र श्रीराम ढकालले संयुक्त रूपमा हस्ताक्षर गरेको एउटा सूचना मार्फत बैठक स्थगित भएको जानकारी दिएका छन । माधव नेपाल समूह असन्तुष्ट बनेपछि बैठक स्थगित भएको जनाएको छ । दुइ अध्यक्षको बीचमा भएको सहमतिले माधव नेपाल पक्ष तर्सिएको छ ।
