एसी मिलानले बोलोग्नासँग फराकिलो जीत हासिल गर्याे
काठमाडौं । इटालियन सिरी ए फुटबलअन्तर्गत गएराति सम्पन्न खेलमा एसी मिलानले फराकिलो जीत दर्ता गरेको छ । घरेलु मैदानमा भएको खेलमा उसले बोलोग्ना लाई ५-१ ले हरायो ।
मिलानको जीतमा एलेक्सि सालमेकर, हाकाल कान्हालोग्लु, इस्माइल बेनेकर, एन्टे रेबिच र डेभिड कालाब्रियाले एक-एक गोल गरे । बोलोग्नाका लागि ताकेहिरो तोमियासुले एक गोल फर्काए ।
जीतसँगै ३४ खेलबाट ५६ अंक जोडेको एसी मिलान अंकतालिकाको छैटौं स्थानमा उक्लिएको छ । पराजित बोलोग्ना समान खेलबाट ४३ अंकसहित १०औं स्थानमा रहेको छ ।
