ऐश्वर्या र उनकी छोरी आराध्या अस्पताल भर्ना
काठमाडौं । भारतीय अभिनेत्री ऐश्वर्या राय बच्चन र उनकी छोरी आराध्या अस्पताल भर्ना भएकी छिन् ।
गत आइतबार कोरोना सङ्क्रमण पुष्टि भएपछि घरमै क्वरेन्टीनमा बसेका आमाछोरीलाई राति अस्पताल लगिएको भारतीय सञ्चारमाध्यमले जनाएका छन् । अहिले आमाछोरीकै अवस्था सामान्य रहेको समाचारमा उल्लेख गरिएको छ ।
ऐश्वर्याका श्रीमान् अभिषेक बच्चन र ससुरा अमिताभ बच्चनलाई गत हप्ता नै कोरोना पुष्टि भएपछि अस्पताल भर्ना गरिएको थियो ।
भारतमा गएको २४ घण्टामा मात्रै ३४ हजार आठ सय ८४ जनामा कोरोना भाइरसको सङ्क्रमण पुष्टि भएको भारतिय स्वास्थ्य मन्त्रालयले जनाएको छ ।
