नेकपा स्थायी कमिटी बैठक ३ बजेका लागि सर्यो
काठमाडौं । सत्तारुढ नेपाल कम्युनिस्ट पार्टी (नेकपा) को स्थायी कमिटी बैठक ३ बजेसम्मका लागी सरेको छ ।
बैठक विहान ११ बजेका लागि बोलाइएको थियो । अधिकांश स्थायी कमिटी सदस्यहरु प्रधानमन्त्री निवास बालुवाटार पुगेका थिए ।
अध्यक्षद्धय केपी शर्मा ओली र पुष्पकमल दाहाल प्रचण्डले छलफलका लागि समय नपुगेको भनेपछि दिउँसो ३ बजेका लागि बैठक सारिएको नेकपाका एक नेताले जानकारी दिए ।
अध्यक्षद्धय ओली र दाहालबीच छलफल २० मिनेट अघिदेखि जारी रहेको छ । स्थायी समिति बैठक अगाडि दुई अध्यक्षबीच भेट हुने सहमति यसअघि नै भएको थियो।
बिहिबार प्रधानमन्त्री ओली,प्रचण्ड र वरिष्ठ नेता माधवकुमार नेपालबीच छलफल भएको थियो।
